Taamu y'okubanza ya S.1 kutandika Orwokubanza, 2.3.2026

N'ebya Omushaki Waitu

KAMPALA:

Taamu y’okubanza ahabw’abeegi ba Siniya y’okubanza netandika Orwokubanza, 2.3.2026.

Okutoorana abeegi ba S.1 nikwija kukorwa ahabiro 12.2.2026 na 13.2.2026.

Ebiro ebi bihaamibwe Muka mukuru w’eihanga kandi hoona minisita w’eby’obwegyese n’emizaano obu abaire nashohoza ebirugire omubigyezo bya P.7 eby’omwaka 2025 nyomwabazyo aha State House, Nakasero omuri Kampala.

Omu riipoti ye, Dan Odongo, ori Executive Director w’akakiiko k’ebigyezo aka Uganda National Examinations Board, aboojo bakoziregye kukira abaishiki.

Ogu naagira ngu 2025 ebaire eine abeegi baingi wagyeranisa n’omwaka ogwa 2024.

Abeegi 817,883 nibo bayehandiikiise ahamyanya 15,388 kukora ebigyezo bya PLE 2025 wagyeranisa n’abeegi 797,444 abahandiikirwe 2024.

Omuri aba, abeegi 522,036 (63.8%) kuruga ahamyanya 11,525 n’abarikushagikwa program ya Gavumenti eya boona-bashome eya UPE kandi abeegi 295,847 (36.2%) kuruga ahamyanya 3,863 tibamashomero ga Gavumenti.

#WestUpdates
#PLE2025