Omuhagizi wa Manchster United kukomwa emyaka 7 ahabw’okwenda kwita owa Arsenal.

N’ebya Omushaki weitu

SOROTI

Kooti omuri Soroti ecweriire omushaija w’emyaka 20 okukomwa emyaka 7 omu kihome ahabw’okugyezaho kwenda kwita munywani we bwanyima y’okugira obuteikirizana ahabw’omuzaano gw’omupiira.

Vincent Olinga, omuhagizi wa tiimu ya Manchester United naagambwa kuba yagyerizeho kwenda kwita Emmanuel Okello omuhagizi wa tiimu ya Arsenal arikwenda kumwitira omu kibanda ahi barikureebera emipiira omu kyaro kya Akisim omu gomborora ya Gweri omu disiturikiti eya Soroti.

Ekikorwa eki kikabaho ebiro 17.08.2025.

Okurugirira ahabihandiiko bya kooti, ekikorwa eki kikabaho bwanyima ya Arsenal okuteeba Manchester United omuzaano ogu Arsenal yaasingire aha kutandika kwa siizoni ya Premier League omwaka oguhwaire.

Nikigambwa ngu Olinga akasindika Okello na bwanyima yamucumita yaagwa kihuumura nikwo kwirukangizibwa ah’eirwariro erya Mulago ahi yakiriire.

#WestUpdates