Rukurirana egwire omuri Karuma falls ereebirwe – Nwoya
Ebisigarira bya rukurirana egwire omumaizi g’omugyera gwa Nile aharutindo rwa Karuma aharwakabiri ahanguuto eya Gulu – Kampala, bireebirwe.
Ab'eby'okwerinda aharutindo rwa Karuma ahanguuto eya Gulu - Kampala
By NewVision Reporter
Journalists @NewVision
Rukurirana egwire omuri Karuma falls ereebirwe – Nwoya
N’ebya Hudson Apunyo
Ebisigarira bya rukurirana egwire omumaizi g’omugyera gwa Nile aharutindo rwa Karuma aharwakabiri ahanguuto eya Gulu – Kampala, bireebirwe.
Rukurirana egi ehandiikirwe omu namba UAT 113F/UBE 405P ebaire neruga Juba omuri South Sudan erikuza Kampala, eyekoreire enshaho z’amakara obu egwire omu mugyera nk’ahari shaaha 4 z’akasheeshe aharwakabiri.
Ab’eby’okwerinda ahari Karuma nibagira ngu batungire ripoota kuruga omukitongore ekya Uganda Wildlife Authority ngu haine abajuubi abareebire ebisigarira bya rukurirana egi omukyaro ekya Kampala, kiromita 10 kuruga aharutindo orwa Karuma.
Orutindo rwa Karuma ahamugyera gwa Nile ahu rukurirana egwire
Nikigambwa ngu rukurirana egi ebaire nevuga sipidi y’ekijungirizi etakagwire omumaizi nikwo kutwarwa amaizi ga Karuma Falls ahamugyera gwa Nile.
Omugambirizi wa pooriisi ey’ekyanga ekya Aswa River, David Ongom Mudong omu kihandiiko eki ashohoize naagira ngu bariyo nibacondooza aha butandu egi kutunga ebirikukwata ahari dureva n’omuhwezi we ababaire bari omu motoka egi.
Edison, orikukora n’abafiire naagira ngu dureva abaire ari James Tumusiime kandi kigingi abaire ari Godfrey.
#WestUpdates