Purezidenti Museveni ahindwire ba RDCs na RCCs barikurenga 40.

N’ebya Omushaki weitu

KAMPALA

Purezidenti Yoweri Museveni akozire empinduka omuri ba RDC n’aba RCCs barikurenga 40 nyomwabazyo Orw’okubanza ebiro 28.07.2025.

Rtd. Maj. Godfrey Katamba obaire aherize kuza omuri Rwampara kuza omu bigyere bya RDC Nakamya Harriet atwirwe omu disiturikiti ya Kabale nka RDC. 

Nakamya akanga kuruga omu ofiisi arikugira ngu taine kumanyisibwa kwona kuruga owa Purezidenti Museveni.

Nakamya akagira ngu hariho ba ‘mafia’ abarikwenda ngu arugye Rwampara barikumutura okuremera aha mazima omu karuuru ka NRM ahi Anna Kansiime na Molly Asiimwe babaire nibahayanira ebendera ahantebe y’omuny’eishengyero-kazi wa Rwampara.

Nakamya akanga kuruga omu ofiisi arikugira ngu taine kumanyisibwa kwona kuruga owa Purezidenti Museveni.

Obwa hati, Katamba hati niwe RDC wa Kabale kandi naaza omu bigyere bya Godfrey Nyakahuma otwirwe omu disiturikiti ya Kaberamaido.

Omu bandi ba RDC abahindwirwe barimu RDC wa Rukungiri, Stephen Nsubuga otwirwe Pakwach, RDC wa Mubende Hajji Umar Lule Mawiya atwirwe Kampala nka RCC kuza omu bigyere bya Jane Asiimwe Muhindo otwirwe Sheema nka RDC.

Omuhwezi wa RCC wa Kawempe divijoni, Hajj Nuuru Njuki atwirwe Kalungu nk’omuhwezi wa RDC kandi we omuhwezi wa RDC wa Mukono, Hassan Kasibante atwirwe Jinja omu mwanya nigwo gumwe.

RCC wa Mbale City, Asuman Nasike atwirwe Fort Portal City, RCC wa Fort Portal city, Bayole Stanley atwirwe Mbale nka RDC, RDC wa Mbale disiturikiti, Wopuwa George William atwirwe Mbale City nka RCC, RDC wa Kabarole, Maj Sakel Kamba atwirwe Manafwa, RDC wa Kiboga, Hajji Dumba Sentamu atwirwe Mpigi nka RDC kandi we Paddy Kayondo hati niwe RDC wa Mitooma disiturikiti.

Omuhandiiki omu ofiisi ya Purezidenti, Hajji Yunus Kakande ahamize amakuru arikugira ngu okuhindura ba RDC naba RCC tikwine kakwate n’oburuuru bwa NRM obuherize kuteerwa. 

Omuhandiiki omu ofiisi ya Purezidenti Hajji Yunus Kakande.

#WestUpdates