Pooriisi etorotoire omwana omuri kamina – Mityana
Pooriisi omuri Mityana ecungwire omwana w’omwaka gumwe n’ekicweka kuruga omuri kamina.
Omwana otorotoirwe omuri kamina...Courtesy Photo
Pooriisi etorotoire omwana omuri kamina – Mityana
N’ebya Jeff Andrew Lule
Pooriisi omuri Mityana ecungwire omwana w’omwaka gumwe n’ekicweka kuruga omuri kamina.
Nikigambwa ngu omushaija otamanyirwe ebirikumukwataho ahurire omwana arikurira omuri kamina aha Shell Wabigalo omu disiturikiti ya Mityana nikwo kumanyisa Augustine Wabkela, 22, omukumi orikukora na kampuni eya Neptune Security Services.
Omugambirizi wa pooriisi ey’ekyanga ekya Wamala, Racheal Kawala naagira ngu omukumi Wabkela ashangire omwana anaagirwe omu kamina.
Ogu amanyiseho pooriisi ebaire eyebembeirwe Omuduumizi wa pooriisi ya disiturikiti ya Mityana nikwo kuhika ahamwanya ogu bakabaasa kucungura omwana ogu ow’omwoojo, obwahati oriyo naragurira ah’eirwariro erihango erya Mityana.
Kawala naagira ngu bariyo nibagyezaho kuronda abazaire b’omwana ogu obwo okucondooza kurikugumizamu.
#WestUpdates