Amakuru
Orwizi rumizire owa Alliance Sec. School, Mbarara
Omubiri gwa Aselum gwashangwa ahamwanya gwonyine ogu yagwereiremu
ASP Samson Kasasira, omugambirizi wa poorisi y'ekyanga ekya Rwizi
By: NewVision Reporter, Journalist @NewVision
Poorisi omururembo rwa Mbarara emanyire, eizooba rya nyomwabazyo ebiro 28.07.2024 ahari shaaha 10 z’omwabazyo, ahakufa kw’omwegi w’eishomero rya Alliance Secondary School, Muhumuza Aselum, 16, ogwire omumaizi.
Okurugiirira ahamugambiri wa Poorisi y’ekyanga ekya Rwizi, omugyenzi na banywani be bakaba bagiire ah’itendekyero erya Bishop Stuart University kuzaana omupiira beitu bwanyima omugyenzi yaacwamu kwibira omumugyera gwa Rwizi nikwo amaizi kumumira.
Okusherura omubiri gw’omugyenzi kutandikire nyomwebazyo kwonka tigwazoorwa kuhisya eriizooba Orwokubanza ebiro 29.07.2024 ahamwanya gwonyine ogu agweriire omumugyera
Omubiri gwe gwatwarwa omuk’abafu ah’irwariro rya Mbarara Regional Referral Hospital kukyeberwa kandi na bwanyima nigwija kuheebwayo ow’ab’eka ye kuziikwa
#WestUpdates