Amakuru
Orikugambwa kwita omukazi we omuri Ntungamo asindikirwe aha rumanda.
Rodgers Tayebwa asindikirwe aha rumanda ahabw'okugambwa kuba aitsire omukazi we.
Racheal Akampurira orikugambwa kuba yayitsirwe omushaija we Rodgers Tayebwa. Courtesy Photo.
By: NewVision Reporter, Journalists @NewVision
N’ebya Omushaki weitu
NTUNGAMO
Kooti omuri Ntungamo esindikire ahari rumanda Rodgers Tayebwa, orikukurira eby’obuhingi n’oburiisa omu disiturikiti ahabw’okugambwa kuba yayitsire omukazi we Racheal Akampurira, obaire ari ow’omuruka omu disiturikiti eya Rukiga.
Kooti ebaire ekuriirwe omuramuzi w’eidaara ry’okubanza, Edgar Kakuru ehuriire ngu Tayebwa, orikukurira eby’obuhingi n’oburiisa ahabwa Rukoni East na Rwoho tauni kanso omuri Ntungamo akaita omukazi we ahabiro 09.02.2026.
Kooti eshutamire eizooba rya nyomwabazyo ebiro 19.02.2026.
Tayebwa tayikiriziibwe kwehozaho ahabw’okuba kooti egi teine bushoborozi bw’okuhurira omushango ogw’ekika nk’eki nikwo kusindikwa aha rumanda kuhisya ebiro 23.04.2026.
#WestUpdates