Omushaija omuri Ntungamo akwateirwe okugambwa kuba aitsire omukazi we.
Abantu abo nibagambwa kuba bateire Racheal Akampurira mpaka bamwitsire kandi we Tayebwa abaasize kuhunzya agye nikwo kwiruka arikweta abantu kwija kubayamba.
Omugambirizi wa Pooriisi ahabw'ekyanga ekya Rwizi, Samson Kasasira ahamize okukwatwa kwa Rodgers Tayebwa orikugambwa kuba aine akakwate n'okufa kw'omukazi we, Racheal Akampurira.
N’ebya Omushaki weitu
NTUNGAMO
Pooriisi omu disiturikiti eya Ntungamo ekwatsire orikukurira eby’obuhingi ahabwa tauni kanso ya Rukoni na Rwoho, Rodgers Taremwa, 36 orikugambwa kuba aine akakwate n’okufa kw’omukazi we, Racheal Akampurira, 33, obaire ari tauni agenti wa Rukiga Central ward omu tauni kanso eya Mparo omu disiturikiti eya Rukiga.
Nikigambwa ngu aharw’okubanza orw’ebiro 09.02.2026, obu abakundaine aba babiri babaire nibagaruka omu maka gaabo omu tauni kanso ya Rubaare obwo bari ahari Piki piki, bataahiriirwe abantu ababaire bahagatiire enkoni.
Eki kibaire aha rutindo orwa Omungyenyi-Katinda omu tauni kanso eya Kakukuuru-Rwenanura.
Abantu abo nibagambwa kuba bateire Racheal Akampurira mpaka bamwitsire kandi we Tayebwa abaasize kuhunzya agye nikwo kwiruka arikweta abantu kwija kubayamba.
Samson Kasasira, Omugambirizi wa Pooriisi ahabw'ekyanga ekya Rwizi, nagira ngu Tayebwa akwatsirwe kuhweraho Pooriisi omu kucondooza kwayo bwanyima y’ebirugire omu kukyebera omutumbi gwa Akampurira kworeka ngu tigwine bumanyiso bwona oburikworeka ngu ateirwe nk’oku Tayebwa arikugira.
Nikigambwa ngu abakundaine aba babiri batwire baine obuteikirizana kumara akaire karingwa.
Kasasira nagira ngu okucondooza omunshonga egi kuriyo nikugyenda omu maisho.
#WestUpdates