Amakuru
Omushuma yahonera hakye kwitwa- Sheema
Owahona okwitwa yamanywa nka Aheebwa Mathias, omutuura wa Nyakashambya woodi omuri Kabwohe divijoni, Sheema munisiparite.
Omushuma yahonera hakye kwitwa- Sheema
By: NewVision Reporter, Journalists @NewVision
N’ebya Bruno Mugizi
SHEEMA
Omushuma omukasheeshe k’eriizooba yahonera hakye kwitwa abantu abaaba baine ekiniga kyingi bwanyima y'okumukwata nayiba ebintu bya Edson Betware, omushuubuzi rurangaanwa omu tauni ya kabwohe.
Owahona okwitwa yamanywa nka Aheebwa Mathias, omutuura wa Nyakashambya woodi omuri Kabwohe divijoni, Sheema munisiparite.
Mathias Aheebwa, Okomiire n'emiguha ou abatuura bateire ahabw'okwiba ebintu by'omushuubuzi. PHOTO: Bruno Mugizi.
Okurugirira ahari Betware, omushuma ogu atwire nayiba ebintu bye aha motoka arikubyihaho.
Aheebwa yaatwarwa aha Pooriisi ya Sheema obwo okucondooza kurikugyenda omu maisho.
#WestUpdates