Omushaija obaire yahisya abaishiki 40 abu arikwita akwatsirwe - Mbale
Nyakuteekateekwaho kuba aitsire Sumaya amanyirwe nka Fahad Kiranda orikumanywa munonga nka Shuraim Fahad.
Omu kubuzibwa akasyo n’akahindu, Kiranda nagambwa kuba aikiriize kuba yayitsire Sumaya.
N’ebya Stuart Yiga
MBALE
Pooriisi omuri Busoga East negira ngu bakwatsire omushaija orikuteekateekwaho kuba yaatoroboize omwana w’omwishiki w’emyaka 15 atyo akagaruka akamuniganigira omu loogi omu disiturikiti eya Mbale.
Nyakuteekateekwaho amanyirwe nka Fahad Kiranda orikumanywa munonga nka Shuraim Fahad.
Kiranda akwatsirwe ahabiro 13.12.2025 omu kyaro ekya Budebela omu disiturikiti eya Mayuge bwanyima y’okuhendera okucondooza okumazire okwezi kumwe aha kwita kwa Sumaya Bint Edrisa, omwegi wa S.2 ah’eishomero erya Nakaloke Secondary School omu kyanga ekya Burugwa-Izooba bwa Uganda.
Amakuru nigoreka ngu aba Pooriisi abacondooza ababaire beebembiirwe Ismael Ssennono, bakuratiriize Kiranda kuhika omuri Mayuge bwanyima y’okugambwa kuba yayitsire Sumaya ahabiro 23.03.2025 shaaha nka 3 z’ekiro ahari Grace Guest House omu tauni ya Nkoma omu disiturikiti eya Mbale.
Omu kubuzibwa akasyo n’akahindu, Kiranda nagambwa kuba aikiriize kuba yayitsire Sumaya.
Kiranda ayongiire yagira ngu yahisya abaishiki barikurenga omuri 40 abu arikwita akatwara enkumu zaabo ow’omufumu omuri Nakalama omu disiturikiti eya Iganga kandi abaire namushashuramu shiringi 5,000,000.
Pooriisi ehamize ngu okucondooza nikugumizamu aha mishango endaijo ei Kiranda arikugambwa kuba yakozire.
#WestUpdates