Owabaireho omuny’eishengyero wa Moroto, Aleper yafeera omubutandu

Owabaireho omuny’eishengyero wa Moroto, Aleper yafeera omubutandu

N’ebya Charles Etukuri

Simon Peter Aleper, omuhwezi wa Ceeyamaani w’ekibiina ekya NRM ahabw’ekyanga ekya Karamoja kandi owabaireho Omuny’eishengyero wa Moroto yafeera omubutandu yamotoka ahanguuto eya Iganga-Tirinyi.

Ekihandiiko kuruga ow’omugambirizi wa pooriisi eya Busoga East nikyoreka ngu butandu egi ebaireho nyekiro burikusheesha ahari Bukoona aharwa Iganga-Tirinya.

Butandu egi ebaire ahagati y’emotoka eya Toyota V8 ebaire nevugwa Aleper n’endiijo motoka etakamanyirwe.

Nikigambwa ngu Aleper abaire naruga Mbale obu emotoka ye etomereine buso-bwantama n’emotoka endiijo ebaire neruga Iganga

Abeebembezi batari bamwe abarimu Sipiika Anita Among, akakiiko aka CEC n’abandi bahayo obutumwa bw’okusaasirwa ahari Purezidenti Museveni ahabw’okufeerwa ekikongi kya NRM.

Aleper, owabaireho Omuny’eishengyero wa Munisiparite ya Moroto akaba ayetsimbire ahantebe egi omugwa 2021 beitu akasiingwa Francis Adome Lorika.

#WestUpdates 
#RadioWestAt25