President Museveni asiimire Owiny-Dollo ahabw'okureetaho obumwe omumatemba g'eihanga

N'ebya Omushaki Waitu

GULU:

President Yoweri Museveni nasiima obaire ari Ishe-abaramuzi w’eihanga, Alfonse Chigamoy Owiny-Dollo ahabw’obuheereza bwe omukitongore ky’oburamuzi omu Uganda ahamukoro gw’okumwakiira omuka oguhikirwemu abeebembizi b’ediini, eby’obuzaarwa n’abanyabutegyeki omururembo orwa Gulu nyomwabazyo.

President Museveni asiimire Owiny-Dollo ahabw'okureetaho obumwe omumatemba g'eihanga...(PPU Photo)

Enkuyanja y’abantu baahikire ahakishaayi kya Kaunda Grounds kusiima Dollo oheerize kuhuumura obwo barikumusiima ahabw’okureetaho oburingaaniza omuby’ebiragiro n’okureetaho okusaasirana omu eihanga.

President Museveni agiizire ngu Owiny-Dollo okwakiirwa abantu be omukitiinisa nikyoreka oku yayeheireyo kukorera eihanga n’okukunda eihanga rye.

President Museveni asiimire Owiny-Dollo ahabw'okureetaho obumwe omumatemba g'eihanga...(PPU Photo)

President asiimire obushagiki bwa Owiny-Dollo ahabw’okutunguura enkora y’okwikirizana n’okuhooza emishango kitaka ogyete Alternative Dispute Resolution (ADR) n’ekigyendererwa ky’okukyendeeza ahamwijurirano gw’emishango omu kooti n’abantu kuhikiibwa obuheereza omuby’oburamuzi.

Ayongyeire amusiimire ahabw’okureetaho obumwe n’okusaasirana omumatemba g’eihanga omubwire obu ekyanga kyabaire nikiruga omurutaro orwaheerize emyaka.

President Museveni asiimire Owiny-Dollo ahabw'okureetaho obumwe omumatemba g'eihanga...(PPU Photo)

Museveni hoona akoreise omukoro ogu kuhamya obutumwa bwa Gavumenti ahabugaiga bw’amaka arikushaba amaka kutandikaho emyooga nk’okuriisa enkooko, ente z’amate, ebyenyanja, okuhinga omwani n’ebijuma.

President Museveni asiimire Owiny-Dollo ahabw'okureetaho obumwe omumatemba g'eihanga...(PPU Photo)

Arikugambaho n’abantu aba, Alfonse Owiny-Dollo asiimire President Museveni ahabw’okuhika ahamukoro ogu hamwe n’omurimo ogu Gavumenti ekozire omukugarizaho obusingye omumatemba ga Uganda bwanyima y’okumara emyaka bari omurutaro.

President Museveni asiimire Owiny-Dollo ahabw'okureetaho obumwe omumatemba g'eihanga...(PPU Photo)

Ogu agiizire ngu bwanyima y’okuhuumura, naija kuba nahwera okuhangaho eby’obugaiga n’entunguuka omukyanga ekya Acholi ahi amaka amaingi gakiri omubworo ahabw’okuteganisibwa orutaro.

Owiny-Dollo ahabwire abantu okukoresa amataka gaabo, okukoresa emiringo eri ahamutindo omukuhinga n’okugira emyooga y’okubareetera entaasya.