Omu Pooriisi w’ekihome kya Kiboga owaateire amasasi akaita abantu 4 acweriirwe okwitwa.
Omuramuzi Kajuga nagira ngu ekifubiro ekihairwe Anguyo ni nk’eishomo aha bandi bantu abakubaasa kuba nibenda kutwarira ebiragiro omungaro bakaita bataahi baabo.
Omu Pooriisi w’ekihome kya Kiboga owaateire amasasi akaita abantu 4 acweriirwe okwitwa.
N’ebya Omushaki weitu
KIBOGA
Omu Pooriisi w’ekihome Moses Anguyo owaakwatsire embundu akagiteera bataahi be omu kwezi Kwa kabiri omwaka 2026 aha kihome kya Kiboga akaita abantu 4 acweriirwe okwitwa.
Eki kizireho bwanyima ya Moses Anguyo okwikiriza kuba yayitsire mukama we ASP Catherine Hope, Bright Akishuri, Sarah Ayebare na Salson Niwagaba.
Arikumuha ekifubiro ky’okwitwa nyomwabazyo ebiro 02.09.2026, Omuramuzi wa kooti enkuru Jane Okuo Kajuga agizire ngu Anguyo akahenda endagaano y’obwesigwa eyaba Pooriisi b’ebihome eyamuhairwe n’embundu obwayita abantu 4.
Omuramuzi Kajuga nagira ngu ekifubiro ekihairwe Anguyo ni nk’eishomo aha bandi bantu abakubaasa kuba nibenda kutwarira ebiragiro omungaro bakaita bataahi baabo.
Abahababi nibagira ngu aha biro 23.02.2026 aharuguuto orwa Kiboga hospital omu kyaro ekya Kiwanguzi omu tauni kanso ya Kiboga, Anguyo akaita Hope, Akishuri, Ayebare na Niwagaba.
#WestUpdates