Museveni kubinga ba minisita n’abandi bakuru omu gavumenti abaremwe kukorera ebyanga byabo.

N’ebya Beth Akatukunda

KAMPALA

Purezidenti Yoweri Museveni agizire ngu agumisirize yaahunama ekirikumara nikwo kutinisiriza kwija kubinga minisita wa gavumenti weena ou ekyaro eki arikurugamu kirashangwe kiremiire omu bworo.

Purezidenti agambire ebi omu mwabazyo gw’orw’okubanza ebiro 25.05.2026 omu rushutamo rw’okubanza orwa Paramenti ey'omurundi gwa 12 aha kishaayi ky’emikoro y’eihanga ekya Kololo omuri Kampala.

Agizire ngu abanyabutegyeki abagara abatarikwenda kukora nibo bariyo nibareebya eihanga omu bikwatiriine n'entunguuka.

Purezidenti Museveni akyorekire ngu n'obu gavumenti ya NRM eshukire esente zirikuhika Shiringi obukaikiru 800 omuri buri muruka omu eihanga ryona, abeebembezi baremirwe kwimusya abantu baabo bakaza omuri purojekitis ez’okwihamu akasente (money economy).

Purezidenti aragiire abany’eishengyero boona, ba minisita hamwe n’abakuru omu gavumenti z’ebyanga okushuma bakaza ahansi omu byanga byabo bakashaba ab’emiruka ebihandiiko aha ku esente za puroguraamu ya PDM zaagabirwemu n’oku zaakoresibwemu.

Agizire ngu yaherize kutaho omutego gw’okukwata abakozi ba gavumenti n’abandi bakuru omu gavumenti abaraabe batarikufayo kukorera ebyang byabo.

#WestUpdates