Hawah Ssali Foundation ekwatireho Abasiramu Mbarara kujaguza Eid al Adha.

N’ebya Abdulkarim Ssengendo

MBARARA

Ebitongore hamwe n’abantu abu Ruhanga yahiire obushoborozi bashabirwe kubukoresa kukwatiraho abantu abatarikwebaasa omu muringo gwona.

Okushaba oku kuhairweyo Sheikh Mustafa Naduli kandi agizire ngu okuhayo n’okuyamba n’ekikorwa ky’embabazi kandi orikukikora Ruhanga namutemera omuhanda murungi.

Sheikh Mustafa ahaireyo okushaba oku Orwakashatu ebiro 27.05.2026 obu abaire nagambira aha mukoro gw’okukwatiraho abasiraamu n’enyama hamwe n’eby’okurya aha kiro kikuru kya Eid al Adha ebihairweyo ekitongore kya Hawa Ssali Foundation.

Abantu abatungire obuhwezi obu barugire omu bicweka bitari bimwe na bimwe omuri Mbarara City.

Hawa Ssali, Mukuru w’ekitongore ekya Hawa Ssali Foundation ashoboriire ahabw’enki yatandikireho ekitongore eki n’ekimugyemeseriize kukwatiraho abasiraamu n’abandi bantu.

Ekitongore eki kikatandikwaho Hawah Ssali omunyamakuru wa Vision Group n’ekigyendererwa ky’okukwatiraho abantu na munonga abaana abatarikwebayamba.

Ayehanangyiriize abantu kumukwatsya omuhururu y’okuhwera abantu na munoonga okukwatiraho abaana omu bikwatiriine n’okushoma.

Abatungire ebintu ebi basiimire ekitongore eki ahabw’okubakwatiraho omu kujaguza gye ekiro kikuru kya Eid al Adha bagumize ngu bamwe babaire bashobangiriirwe.

#WestUpdates