Malawi eyongiize emihendo y’amajuta.

Ag’aheeru

MALAWI

Ekitongore ky’amajuta omu eihanga erya Malawi kyongiire aha mihendo y’amajuta ga Petrol na Diesel na Pacenti erikurenga omuri 40 ahari 100. 

Ogu n’omurundi gwa Kabiri, emihendo y’amajuta erikweyongyera kutemba omu bwire bw’ameezi 4 omuri Malawi.

Omu kihandiiko ekishohoziibwe Orwakabiri ebiro 20.01.2026, ekitongore ky’amajuta omuri Malawi nikyoreka ngu emihendo ey’amajuta ebaire eriho terikubaasa kubisaho gavumenti ekireteire gavumenti okuguma nefeerwa munonga (losses).

Purezidenti wa Malawi, Peter Mutharika ogarukire omu bwebembezi omwaka oguhwaire, atwire nagyezaho kwimusya eby’entaasya y’eihanga eryo ebyasyariire.

Beitu hoona, bamwe omu bantu b’omuri Malawi nibagira ngu okwongyera emihendo y’amajuta kibaasa kutamba ikono amaani ga Purezidenti ag’okwimusya eby’entaasya oteireho n’okweyongyera kw’emihendo y’ebintu kutemba omu eihanga eryo.

#WestUpdates