Kasibante nayenda kooti eshazemu obusinguzi bwa Museveni omu karuuru ka 2026.

N’ebya Omushaki weitu

KAMPALA

Obaire ayetsimbire ahantebe y’obwa Purezidenti aha kakongi aka National Peasants Party, Robert Kasibante atwire omushango omu kooti enkira zoona arikwenda ngu eshazemu obusinguzi bwa Purezidenti Yoweri Museveni owa NRM omu karuuru ka boona akaherize kuteerwa.

Kasibante nagira ngu habairemu okwiba akaruuru, emihondano n’okuhenda ekiragiro, ebi arikugira ngu bireteire ebirugire omu karuuru akateirwe ebiro 15.01.2026 bitaba by’amaziima n’oburingaaniza.

Kasibante, okwatsire omwanya gwa 6 omu karuuru akateirwe atwire omushango omu kooti arikuhakanisa omuringo ogu akaruuru aka kateirwemu n’okurangirira Museveni nk’omusinguzi.

Omu mushango gwe ogwa peegi zirikurenga 1,000, Kasibante nahababira Museveni, akakiiko k'eby'oburuuru aka electoral commission hamwe n’omutongarizi mukuru wa gavumenti.

Nagira ngu akaruuru aka ti kabaire k’amazima n’oburingaaniza kandi kabaire nikahenda engyenderwaho yeihanga.

Okurugiirira ahabirangiriirwe akakiiko k'eby'oburuuru aha biro 17.01.2026, Museveni atungire oburuuru 7,946,772 kandi Robert Kasibante aihireyo oburuuru 33,440.

Kooti enkira zoona tekagambire obu erikwija kuba nehurira omushango ogu.

#WestUpdates