Mafabi owa FDC ahakaniise ebirugire omu karuuru ka Purezidenti akaherize kuteerwa.

N’ebya Omushaki weitu

MBALE

Obaire ayetsimbire omu karuuru k’okutoorana Purezidenti aha kakongi aka FDC, James Nathan Nandala Mafabi nahakanisa ebyarugire omu karuuru aka akaatiirwe okwezi okuhwaire ebiro 15.01.2026.

Mafabi nagira ngu akaruuru aka kakazamu okutuga kwingi, ebosi zirimu oburuuru bukyebiire, okutiinisiriza n’ezindi nshonga.

Nagira ngu ebyarangiriirwe akakiiko k'eby'oburuuru aka electoral commission, abanya-Uganda tibyo bashazireho.

Agambire ebi obu abaire nagaaniiraho n'abanyamakuru ahari Mt. Inn hotel omu rurembo Mbale.

Mafabi najunaana akakiiko k'eby'oburuuru aku arikugira ngu nikatamburira aha biragiro bya NRM kukora ebi President arikwenda.

Okurugirira aha byarugire omu karuuru k'okutoorana Purezidenti akaherize kuteerwa, President Museveni owa NRM akasinga akaruuru aka n’oburuuru 7,944,722 oburikukora 71.65%, Robert Kyagulanyi Ssentamu owa NUP akaba owa kabiri n’oburuuru 2,741,238 oburikwingana 24.72% kandi Nandala Mafabi akaba owa kashatu n’oburuuru 209,039 oburikukora 1.88%.

#WestUpdates