Heedimasita wa Ntare School, Rwampororo na Turyagyenda bakwatwa ahabw’okukoresa kubi ofiisi.
Rwampororo yakwatwa n’owabaireho heedimasita wa Ntare School was ou yagiire omu bigyere, Jimmy Turyagyenda hamwe n’owabaireho omukozi w’eishomero eri, Peace Kebirungi.
Heedimasita wa Ntare School, Rwampororo n'owabaireho heedimasita Turyagyenda bakwatwa ahabw’okukoresa kubi ofiisi. PHOTOs by Ssengendo Abdulkarim.
N’ebya Beth Akatukunda
MBARARA
Ofiisi ya kariisho riisho wa gavumenti omu kasheeshe k’eriizooba yakwata heedimasita w’eishomero erya Ntare School Saul Rwampororo ahabw’okukoresa kubi ofiisi n’okufeereza gavumenti esente nyingi.
Rwampororo yakwatwa n’owabaireho heedimasita wa Ntare School was ou yagiire omu bigyere, Jimmy Turyagyenda hamwe n’owabaireho omukozi w’eishomero eri, Peace Kebirungi.
Heedimasita wa Ntare School, Rwampororo na Turyagyenda na Peace Kebirungi bakwatwa ahabw’okukoresa kubi ofiisi.
Kebirungi najunaanwa okungiirira ebaruha ei yakoriise kushaba n’okutunga leave y’okushoma arikushashurwa obu yabaire nakikora na Ntare School.
Saul Rwampororo na Jimmy Turyagyenda nibajunaanwa okufeereza gavumenti esente zirikirenga Shiringi miriyooni 110 ezibashashwire Kebirungi owabaire aryaha leave y’okushoma etari mumateeka.
Esente ezi zikijaho ahabw’okuzishasharura Kebirungi owabaire atari h’eishomero ahagati y’omwaka gwa 2015 na 2024.
Arikugambaho n’abanyamakuru aha ofiisi ya kariisho riisho wa gavumenti ahabwa Mbarara, Sarah Magoola- orikukurira ofiice eya kariisho riisho wa gavumenti ahabw’ekyanga eki yagira ngu abashatu aba batwarwa Kampala kandi nibeija kutwarwa omu kooti erikurwanisa obushomankuzi okwetonganaho omu mishango egi.
#WestUpdates