Eby’okushumbuusha abaafeereirwe abaabo ahari Kicwamba Technical College byatandika
Omukwezi kwa 6, 1998, abaheekyera bakataahirira Kicwamba Technical College baita abeegi 80, baatwara abandi 100 omubukwatwa...
Omwe omubarikuza kushumbuusibwa arikushwijumwa eriizooba ahakitebe ekikuru ekya disiturikiti ya Kabarole. PHOTO: JONAN TUSINGWIRE
N’ebya Jonan Tusingwire
Gavumenti yaatandika kushwijuma amaka agaafeereirwe abaana baabo, obu abaheekyera ba ADF bataahirira eitendekyero erya Kicwamba Technical College, n’ekigyendererwa ky’okushumbuusha abaakwatsirweho omukikorwa eki omuri Burengyerwa-izooba bwa Uganda.
Okushwijuma oku, kandi hoona okwatandika eriizooba Orwokubanza 23.03.2026 ahakitebe ekikuru ekya disiturikiti ya Kabarole, kugyendereire kushumbuusha abazaire n’abaabeire nibajunaanwa ahabeegi aba abaitiirwe omukutaahirira oku.
Omukwezi kwa 6, 1998, abaheekyera abaabeire baine embundu bakataahirira Kicwamba Technical College nikwo kwita abeegi 80 kandi bakatwara abandi 100 omubukwatwa, ekikorwa ekyasigire abatuura omu ihanga ebyara babiteire omunyindo.
Abaitsirwe, na bwanyima, bakaziikwa omukituuru kimwe ah’itendekyero eryo.