Ebya P.7 kushohozibwa Orwakataano (30.01.2026).

N’ebya Omushaki weitu

KAMPALA

Minisita w'eby'obwegyese n'emizaano, Janet Kataaha Museveni ahamize ngu ebirugire omu bibuuzo bya P.7 nibyija kushohozibwa nyencakare Orwakataano ebiro 30.01.2026.

Eki nikijaho bwanyima y’okubuganaho abakuru omu kitongore ky’ebigyezo omu eihanga ekya UNEB abamworekire oku abeegi bakoziremu omukwetebeekanisiza okushohoza ebirugire omu bibuuzo bya P.7.

Abeegi 817,885 nibo bayehandikiise kukora ebibuuzo bya P.7 ahabw'omwaka 2025 wagyeragyeranisa n’abeegi 797,444 abakozire ebigyezo ebi omu mwaka gwa 2024 ekirikworeka ngu abeegi abakozire beyongiireho na 2.5%.

Abeegi bakehandikisiza omu centers 16,140 ezokukoreramu ebigyezo ebi.

Ahari aba, abeegi 389,529 n'aboojo kandi abeegi 428,356 n'abaishiki.

Abeegi 522,039 abarikwingana 64% n’abeegi abarikushagikwa gavumenti ahansi ya puroguraamu ya UPE kandi abeegi 295,846 abarikwingana 36% n’ab’omu mashomero ag’abantu buntu.

#WestUpdates