Bana bafeeriire omuri butandu ebaire aharwa Kamuli-Namasagali.
Emotoka ya FUSO ebyamiire Piki nikwo ebikoijo kushweka omuvugi waayo hamwe n’abashabaazi abu abaire ahekire nikwo kufeeraho.
Butandu egi ebaireho Orwamukaaga ebiro 11.04.2026 kandi ebaire erimu emotoka ya FUSO ehandikirwe omu namba UAM 983F na Piki ya Bajaj Boxer namba UDL 411N. Photos by Doreen Musingo.
N’ebya Doreen Musingo
KAMULI
Abantu 4 bafeeriireho bwanyima y'emotoka ya FUSO ebaire eyekoriire ebikoijo okwekunamura ekashengurana na piki omuri Bulunda aha ruguuto orwa Kamuli-Namasagali.
Butandu egi ebaireho Orwamukaaga ebiro 11.04.2026 kandi ebaire erimu emotoka ya FUSO ehandikirwe omu namba UAM 983F na Piki ya Bajaj Boxer namba UDL 411N.
Samson Lubega, Omugambirizi wa Pooriisi ahabwa Busoga North nagamba abafiire nka; Grace Mudumba (omuvugi wa piki) na Lydia Nanzala, 38 bombi abatuura ba Naibowa omu gomborora eya Butansi.
Abandi ni; Stephen Makayi, 40 na Charles Balinanie, 42 bombi abatuura ba Busiba omu Munisiparite ya Kamuli.
Pooriisi negira ngu abantu boona bana bafeeriireho bwanyima y’ekimotoka ekihango kuremererwa omuvugi waakyo kityo kikekunamuura reero ebikoijo kubyamira Piki.
Okucondooza okwahikireho nikworeka ngu ekimotoka eki hamwe na Piki bibaire nibitoora omuhanda gumwe kuruga Namasagali kuza Kamuli obu butandu egi ebaireho.
Emotoka ya FUSO ebyamiire Piki nikwo ebikoijo kushweka omuvugi waayo hamwe n’abashabaazi abu abaire ahekire nikwo kufeeraho.
#WestUpdates