Bakuru b’amashomero ga siniya bashatu bakwatsirwe ahabw’obutahandikisa omwegi wa S.4 omuri Mitooma.

N’ebya Bruno Mugizi

MITOOMA

Pooriisi omu disiturikiti eya Mitooma ekwatsire bakuru b’amashomero ga siniya bashatu ahabw’okugambwa kuba baaremirwe kuhandika omwegi wa S.4 ow’emyaka 19 kushitamira ebigyezo bya S.4 eby’aha muheru ekireteire omwana ogu ataakora bigyezo ebi.

Abakwatsirwe bamanyirwe nka: Jason Ahereza- mukuru w’eishomero erya Nyakahita Secondary school, Ambrose Centenary- mukuru w’eishomero erya Rwakitanda Secondary school na Abiaz Mujuni, omuhwezi wa mukuru w’eishomero erya Mayanga Seed Secondary school.

Omuduumizi wa Pooriisi ahabwa disiturikiti ya Mitooma, Michael Bagoole nagira ngu abakwatsirwe nibeija kutwarwa omu kooti bajunaanwe okucondoza kukurahwe.

Omwegi ogu, Edson Twinomugisha nagambwa ngu yashashwire esente zoona ezabaire nizitengwa kwehandikisa beitu tarahandikirwe n’ekitongore ky’ebigyezo ekya UNEB.

Nagira ngu eishomero erya Nyakahita Secondary school rikamwijurira we n’abandi beegi 18 babatwara ah’eishomero erya Rwakitanda Secondary school ahabw’okuba eishomero eri babaire barugiremu rikaba ritaine center number y’okukora ebigyezo.

Twinomugisha nagira ngu ebigyezo bya S.4 bitakatandikire, akatwarwa ah’eishomero erya Mayanga Seed Secondary school ahi bamugizire ngu agaruke omu S.3 obwo barikumuraganisa kumushashurira esente zoona (bursary) n’ebikwato ebirikwetengwa omu mwaka ogurikwija ogwa 2027 ekigyemeseriize omwegi ogu okutoroka akagambira abazaire be.

Omuduumizi wa Pooriisi ahabwa disiturikiti ya Mitooma, Michael Bagoole nagira ngu abakwatsirwe nibeija kutwarwa omu kooti bajunaanwe okucondoza kukurahwe.

Omuduumizi wa Pooriisi ahabwa disiturikiti ya Mitooma, Michael Bagoole nagira ngu abakwatsirwe nibeija kutwarwa omu kooti bajunaanwe okucondoza kukurahwe.

Ahereza nagira ngu abeegi boona 19 bakoheerezibwa Rwakitanda SS kandi bakashashura esente z’okwehandikisa arikwongyeraho ngu akaija kumanya ekizibu eki bwanyima y’omuzaire okwatsirweho kumugambira.

Centenary nagira ngu n’amaziima Twinomugisha tarahandikirwe beitu nagira ngu eki kiakareetwa obuzibu butari bumwe n’entebeekanisa y’ekitongore ekya UNEB n’okugira centre namba nkye z’okukoreramu ebigyezo arikwongyeraho ngu aikiriize kushagika okushoma kw’omwegi ogu omwaka ogurikwija.

Mujuni nagira ngu Twinomugisha akatwarwa ahari Mayanga kuheebwa omwanya beitu ngu tikirabasikire kumuheereza omwanya omu S.4 ahabw’okugira akaba ahabw’obutagira marks ze ez’ebigyezo eby’enyima.

#WestUpdates