Bana bakwateirwe okwiba amasimu aharwa Kampala-Masaka.
Pooriisi hoona bakwasire esimu za iPhone 20 n’esimu ez’ekika kya Tecno 2 kuruga omu mwanya ogu amasimu gabaire gasherekirwemu omu kishaarara.
Omu bakwatsirwe barimu omutsigazi w’emyaka 17 kandi obwa hati bari omu kihome. Courtesy Photo.
N’ebya Omushaki weitu
KYENGERA
Pooriisi ekwasire abantu 4 abarikuteekateekwaho kuba nibejumbira omu kwiba amasimu ah’abantu aha ruguuto rwa Kampala-Masaka na munonga omu kishaarara kya Busega-Kyengera.
Omugambirizi wa Pooriisi ahabw’ekyanga ekya Wamala, Lameck Kigozi nagira ngu Pooriisi ekozire ekikwekweto bwanyima y’abashuma okwiba Laptop, esente hamwe n’esimu by’omwe omu bakazi omuri Kyengera oizire akaza aha Pooriisi akahababa.
Pooriisi hoona bakwasire esimu za iPhone 20 n’esimu ez’ekika kya Tecno 2 kuruga omu mwanya ogu amasimu gabaire gasherekirwemu omu kishaarara.
Omu bakwatsirwe barimu omutsigazi w’emyaka 17 kandi obwa hati bari omu kihome.
Kigozi nagira ngu okucondooza kuriyo nikugyenda omu maisho okuzoora bakama b’esimu ezi n’okukwata abashuma abandi.
Ab’eby’okwerinda nibagira ngu obuhenda biragiro bukyendiire omu eihanga ryona na 10% wagyeragyeranisa n’oku bwabaire buri omwaka oguhwaire ogwa 2025.
#WestUpdates