Abantu bashatu bafeeriire omuri butandu aharwa Ishaka-Kagamba.

N’ebya Omushaki weitu

BUSHENYI

Abantu bashatu baafeeriire omuri butandu y’aha nguuto ebaire Omukataagu aha ruguuto orwa Ishaka-Kagamba omu disiturikiti ya Bushenyi.

Abantu 10 nibo batungiire obuhuta omuri butandu ebaireho omu mwabazyo gw’orw’okubanza ebiro 07.09.2026. 

Butandu egi ebaire erimu emotoka ya Hiace Drone eyanamba UA 836AM.

Okucondooza okwahikireho nikworeka ngu omuvugi wa motoka egi aremirwe kuheta ekoona ahabwa sipiidi nyingi ei abaire naavuga arikutwara abaziiki kuruga Kashaka omuri Mbarara barikuza Rwerere omu disiturikiti eya Rukungiri.

Omugambirizi wa Pooriisi y’eby’ahanguuto, Micheal Kananura ahamize amakuru aga arikwongyeraho ngu abahutiire bairukangiziibwe ah’eirwariro rya KIU Ishaka okutunga okuragurirwa.

Kananura nashaba abavugi b’ebiruka okwerinda okuvuga sipiidi erengire na munonga baaba nibahika omu myanya y’ekoona ahabw’okwerinda za butandu nk’ezi.

#WestUpdates