Abafuruki 24 kugarurwa omu mahanga gaabo.
Simon Mundeyi, Omugambirizi wa minisiture y’enshonga z’omunda agambeire abanyamakuru aha kitebe kikuru kya Pooriisi omuri Naguru, Kampala ngu abakwatsirwe barimu abahindi n’aba China.
Simon Mundeyi, Omugambirizi wa minisiture y’enshonga z’omunda.
By NewVision Reporter
Journalists @NewVision
N’ebya Omushaki Waitu
KAMPALA
Abafuruki 24 abari omu eihanga omu bushobya n’ab'okugarurwa omu mahanga gaabo bwanyima y’okukwatwa barikutuura omu Uganda kandi barikukorera omu ihanga omu buhenda-biragiro.
Ba nyakuteekateekwaho obwa hati bakomeirwe aha ofiisi z'ekitongore ky’enshonga z’omunda omuri Kampala kandi bakwateirwe omu kyombeko kya Energy Centre, Kikuubo, Johnson street n’ebindi bicweka by’omuri Kampala.
Simon Mundeyi, Omugambirizi wa minisiture y’enshonga z’omunda agambeire abanyamakuru aha kitebe kikuru kya Pooriisi omuri Naguru, Kampala ngu abakwatsirwe barimu abahindi n’aba China.
Mundeyi naagira ngu bamwe omu bakwatsirwe babaire bataine bataine bihandiiko ebirikubaikiriza kutambura kandi abandi bakataaha omu eihanga n’ebaruha z’obugyenyi zonka bataine rusa rw’okubaikiriza kukorera omu Uganda nk’oku ekiragiro kirikugamba.
#WestUpdates