Aba-Eritrea 150 bakwatiirwe omu Uganda ahabwa bizinesi z’ebishoboobo
Minisiture y’enshonga z’omunda y’eihanga negira ngu bakwatsire abantu 150 enzaarwa ya Eritrea ahabw’okukora bizinesi z’ebishoboobo omuri Kampala.
Aba-Eritrea 150 bakwatiirwe omu Uganda ahabwa bizinesi z’ebishoboobo
By NewVision Reporter
Journalists @NewVision
N’ebya Omushaki Waitu
Minisiture y’enshonga z’eihanga negira ngu bakwatsire abantu 150 enzaarwa ya Eritrea ahabw’okukora bizinesi z’ebishoboobo omuri Kampala.
Arikugambaho n’abanyamakuru ahakitebe kikuru kya Minisiture y’enshonga z’eihanga, Omugambirizi wa minisiture egi, Simon Mundeyi yaagira ngu bariyo nibacondooza hamwe n’okukwata enduga-mahanga abaine bizinesi z’ebishoboobo omu Uganda.
Ogu naagira ngu abantu aba nibakora bizinesi nk’amaduuka, okusiiga ebyara, okukoma amashokye, okushuubura ebikadde hamwe n’okuvuga boda boda.
Mundeyi yaagira ngu abantu aba nibashangwa haihi n’amatendekyero nka amashomero na univasite kandi abamwe nibakora obwa maraya. Beitu naagira ngu abamwe batweire nibabasaasira ahabw’okuba n’empungi.
Uganda netaayaayisa empungi miriyooni 1.6 omu disiturikiti 13. Empungi barikuhika pasenti 29% nibo barikukora wagyeranisa n’obucweka 64% bw’empungi abari omu Uganda.
#WestUpdates
#RadioWestAt25