Weasel anyiikiridde omulanga gwa Nadduli

OMUYIMBI Douglas Mayanja amanyiddwa nga Weasel Manizo owa Goodlyfe anyiikiridde omulanga gwa Nadduli. Bamuzaalidde eddenzi ne yewaana nti “okuzaala kujagaana mbuzaako batono nkiggale”.

Weasel tatudde, yakutte ekifaananyi
kya bbebi n’akissa ku mukutu gwa Facebook n’akulisa mukyala we Sandra Teta, abamu gwe baakazaako nga Miss Rwanda olw’okuvuganya mu mpaka za nnalulungi wa Rwanda, okumuzaalira omwana.

Bbebi yamutuumye Douglas Joseph Mayanja Junior. Kyokka obwedda abalaba ekifaananyi n’obubaka bwa Weasel abamu obwedda bamukulisa bbebi ate abalala nga bamubalira
muwendo gw’abaana b’awezezza.

Waliwo obwedda abagamba nti awezezza 35 ate abalala 39 kyokka omu ku mikwano gya Weasel yabambalidde ng’agamba nti omuntu we bamusalako
bigambo tannaweza na baana 10.

Sandra Teta eyasumulukuse ku Ssande n’omwaka oguwedde yamuzaalidde omwana.