Bya Edith Namayanja 

ABAMU ku bakansala batadde katemba mu kulayira ku kitebe kya Munisipaali e Nansana. Omu ku beegwanyiza obwa Sipiika ebigambo asazeewo kubijabulajabula n’asobera abantu.

Wasswa Daniel Tamale owa NRM nga mukiise wa Nasse Ward ku lukiiko luno alemereddwa okukuba ebirayiro n’asalawo kwogera ye byawulira muli nti bye bituufu era olumaze n’ategeeza nga bw’alayidde mu Lufalansa kyokka n’asasiira banne abalemereddwa okwatula ebigambo.

Aloysius Wasswa Bukenya Omukubi W'amasimu Ku Leediyo Owa Nansana West Ng' Ayambibwako Okukuba Ebirayiro.

Shiekh Ismail Muvule Mande Ng'agenda Okulayira.

Shiekh Ismail Muvule Mande Owa Jinja Kalori Ward Ye Masiki Yagitadde Ku Ntalabuusi.

Abalala okubadde Ibrahim Malagala owa Maganjo B, Aloysius Wasswa Bukenya owa Nansana West n'abalala obwedda bayambibwako Town Clerk, Francis Byabagambe okulayira wabula ng’abamu bamusibidde emitaafu ng’eno bw’abalagirira ekyokwogera ekituufu.