Bya Madinah Nalwanga 

Enkoko zino zibakwasiddwa Godfrey Nsubuga omumyuka wa Mmeeya wa Kira munisipaali.

Abakuutidde obutazitunda  wabula bazirunde okutuuka okubiika baziggyemu amagi bagaaluze bongere okufunamu.

Agambye nti enkoko ezigabibwa baazijja Netherlands ne baziwa Kira munisipaali okwongera okukyusa mu nfuna y’abantu ne babawa n’ebyuma 3  ebyaluza amagi . Ategeezezza nti Kira ebadde terina polojekiti  ng’eno era olw’obungi bw’abantu b’e Kasokoso, abatuuze  beekozeemu ebibinja mwe bagenda okuzirundira okusobola obutakaluubirirwa naddala mu ndabirira.

Obukoko Obugabiddwa

Abasabye bayige enkola y’okukolera awamu kubanga enkoko zimenya naddala ng’oli omu  ate n’okubayambako okukukkereza ssente, n’asaba gavumenti ya Uganda okubongeramu ssente mu polojekiti yaabwe.

Zurufah Namugaba omu ku baafunye obukoko buno, agambye  nti kino kibayambye kinene naddala abakyala kubanga bangi ku bo tebalina mirimu.