AGABUUTIKIDDE FULL BULLETIN

Eyaliko ssentebbe w’ekibiina kya Forum For Democratic Change Dr.Kiiza Besigye ategeezezza nga mukiseera kino ekibiina bwekyetaaga okununulwa okukiggya mu mikono gy’abakikulembera kubanga kyava ku mulamwa gw’okununula eggwanga gwebakitandikirako.Mungeri y’emu atangaazizza ku ssente z’ayita ez’ekibi ezaamuweebwa Nandala Mafwabi. ///////////////////////////////////////////////////////////////////////////////////////////// Okuwulira omusango oguvunaanibwa ababaka okuli owa Makindye West ne Kawempe North kuzzeemu omukoosi omulamuzi bwategezeddwa ng’omu ku bawawaabirwa bwali omulwadde nga yatwaliddwa mitala w’amayanja okujjanjabwa. ///////////////////////////////////////////////////////////////////////////////////////////// Abatuuze b’omu kireku-Bweyogerere mu munisipaali y’e Kira mu disitulikiti y’e Wakiso emitima gibasula ku mitwe olw’abantu abeeyita abakozi b’ekitongole ky’eggaali y’omukka abaagala okubabbako ettaka. Ab’enganda z’abantu abaafiirwa abantu baabwe olw’ekinaala ekyagwa mu nnyanja Nalubaale wiiki ewedde, balidde matereke ne poliisi nga bagirumiriza okubasolozaamu ensimbi eryokye ennyulule emirambo gy’abantu baabwe kyokka nga bakimanyi nti gavumenti ebawa amafuta. Olwaleero emirambo emirala esatu ginyuluddwa.

AGABUUTIKIDDE FULL BULLETIN