Nze Bendikito Mutyaba, ndi muzimbi e Kasenge era gye nasisinkana mwana muwala ono naye nga saanoonyereza nnyo bimukwatako.

Bwe namukwana namubuuza oba mufumbo n’antegeeza nga bw’atali mufumbo era ne tutandika okwagalana mu 2013. Twali twakagenda mu mukwano ebbanga ttono, omuwala n’akantema nga bwe yali afunye olubuto.

Olw’omukwano gwe nnalina gy’ali ate nga twegaseeko naye, kino saakiwakanya era bwentyo ne ntandika okulabirira olubuto nga ky’ansaba kye ndeeta nga n’enju mwe yali asula nze ngisasula.

Lumu yansaba ssente agende akebeze olubuto ne nzimuwa era yakomawo agamba nti olubuto lwa balongo ne nfa essanyu nga mmanyi neewangulidde ekitiibwa kya Ssaalongo kale ne muwa buli karungi nga manyi mpa nnalongo wange kumbe ankongooza bigere.

Bwe yatuuka okuzaala, namutwala mu ddwaaliro era nasasula buli kimu kyokka yazaala omwana omu ne kinkanga kuba nnali nsuubira balongo naye ne nsirika kuba yali anzaalidde.

Wabula buli lwe nasitulanga omwana ng’akaaba ate ng’abalala bwe bamukwata nga takaaba.

Maama wange ne baganda bange olwalaba omwana, baagambirawo nti omwana tewali ky’afaanana waffe naye nze ne ndowooza nti osanga anaakyuka ng’akuze n’asika ekifaananyi ky’ewaffe.

Lumu mba ηηenze ku mirimu gyange gye namala wiiki, ηηenda okudda ne ntandika okuwulira eηηambo ng’omuwala ono bw’ali omufumbo era bba baali baamusiba naye kati yakomyewo era ye taata w’omwana. Eeeh ebyo olwabiwulira kwe kusuula enkessi, ndabe amazima.

Nagamba mukyala wange nti ηηenzeeko Masaka kuzimba era ndi waakumalayo wiiki bwentyo ne ηηenda ewa mukwano gwange. Ekiro nasooba ne ηηenda ew’omukyala ono ne nnindira emabega w’omuti.

Wabula mba nkyalinze, ne wabaawo omusajja eyajja ku ssaawa 2:00 ez’ekiro ne bamuwa omwana nga mukazi wange bw’amutegekera emmere.

Kyokka ng’omwana aseka naye nga nze simulabangako ng’aseka ekyankakasa nti ono omwana teyali wange.

Nabalumba ne mbakwata kati omukazi mu kutya yadduka n’omwana ne nsigala n’omusajja naye ng’omwana yamumalayo.

Ekyasinga okunyiiza ye muwala okukomawo okuneenenyeza nti musonyiwe okuleeta omusajja mu nju yaffe naye nti omwana ye wange.

Nawulira obusungu kubanga nnali ntegedde amazima era omuwala ne mugamba aneesonyiwe agende ne taata w’omwana we.

Ssente zange zinnuma ze namuteekangamu nga simanyi nti nnyamba balala nga n’ennyumba nze ngisasula. Kati omutima gwange gukyali mumenyefu sifunanga

LALIGA East Africa Cup Uganda qualifiers end

The LALIGA East Africa Cup final will be held in Nairobi, Kenya in May 2024.

LALIGA East Africa Cup Uganda qualifiers end

Tags: