Toto Festival 2023 yaacamura abaana Kampala

N’ebya Carol Kasujja Adii
 
Ahi bwaza kuhikira shaaha 12 z’akasheeshe, abazaire baaba baatandikirekweshuka ahari Sheraton Gardens bareetsire abaana baabo ah’izooba ry’okushemererwa .

Ahi orikushomera ebi abaana bariyo nibazaanira ahabyehuubo, nibagurukira omu Bouncing Castles kandi abanda bari omuza Swimming Pool nibaibira omumaizi. Ab’ekitongore ekirikukora ahaby’endanga-muntu ekya National Identification and Registration Authority (NIRA) baaba baatandikire kuhandiika abaana abataine enamba z’endanga-muntu.

Aba Dennan Baby to Kids baineho omwanya gwabo kandi baasiiba omukushomesa ba nyina b’abaana aba ahankuza nungi oteireho n’okuguza emyenda mirungi y’abaana ahakasente akarikubaasika.

Ah’ihema erya Indomie Noodle, abaana basiiba nibasingura za T-shirt n’amakorooni. Orikujwekyera aba Indomie ahabw’eihanga rya Uganda, Kennedy Omondi, yaagira ngu, “twine ebiconco nyamwingi by’okuha abaana barikuzaana emizaano y’okucumita enziga na bwanyima bakaza omukazaano.” 

Oyihireho okushemererwa, ekiivuru ky’abaana eki kigyendereire kwegyesa abaana emyoga y’okukora sente n’okubarikukoresa emyoga egi n’entaranta zaabo. Abeeshongozi rurangaanwa abarimu Spice Diana, Spice Diana n’omunya-katemba Amooti Omubalanguzi nabo baahikaho kucamura abaana. 

Ekiivuru eki kishagikirwe Mirinda, Dennan Baby to Kids, Jesa Milk, Gombe Education Centre na Indomie Noodles.

#WestUpdates