Zari atonedde mutabani we omukulu kapyata ya Benz ku mazaalibwa ge ag'emyaka 20

Munnayuganda Zari Hassan awangaalira e South Afrika ebiseera ebisinga atonedde mutabani we omuberyeberye Pinto Tlale emmotoka kapyata ey'ekika Mercedes Benz E-Class okumuyozaayoza okuweza emyaka 20.

Zari yaddukidde ku mikutu gye egya yintaneeti okugabana ekifaananyi kya mutabani we ng’ayimiridde okumpi n’emmotoka empya ey’ebbeeyi gye yamuyiyeemu.

Zari kino yakikoze nga wayise ennaku ntono nnyo ng'abantu baakamusasaanyaako ebigambo by'obulimba nti akka mu nnyanja era gy'ajja obugagga n'abalala okukimussaako nti yeetunda era mw'aggya ssente ezimubeezaawo.

Aboogera bino yabayise ba 'ssamwasamwa' n'agamba nti ye mukyala mukozi nnyo.