Kasalabecca
Ssuuna Ben ekivvulu kimuwuuba
Ssuuna Ben omukozi wa Bukedde Fama ne munywaanyi we Mbaziira Tonny bakooowedde abawagizi baabwe okujja okubawagira nga 18 mu kivvulu ekigenda okutokotera ku Makutano Gardens e Nansana.
Ssuuna Ben ng'awayaamu ne Simo Omunene w'ekibuga
By: Mary Nambwayo, Journalists @New Vision
Bano babadde mu lukungaana lw'abaamawulire lwe bakubye ku kitebe kya Vision Group mu Industrial Area mwe bakoowoledde abawagizi baabwe bajje mu bungi kubanga baafuna ekifo ekinene obulungi okusinga we bali ku mulundi guli.
Bano beebazizza ababataddemu ssente okuli; Simba Automotive, Hema Water wamu n'ab'ekyokunywa kya Sabula era ne bategeeza nti olw'okuba abawagizi baabwe abasinga bavuzi ba Bodaboda basazeewo okugabayo pikipiki emu eri munnamukisa.
Ssuuna Ben ategeezezza abawagizi be nti ku luno bakeereko kubanga endogo egenda kutandika nga bukyali kwosa n'agamba nti awerekeddwaako mikwano gye abayimbi bangi.
Ekivvulu kino kituumiddwa Ensasagge y'endongo Mu Bunyanyanya era nga kiwagiddwa Bukedde etwalibwa Vision Group.
Okuyingira 10,000/- nga JJ Events y'akuliddemu abeebivuga olwo n'awerekerwako Karitas wamu ne Smart Sounds.
Ssuuna Ben