Munnayuganda awangudde engule y’okukuba ejjiko e China.

Munnayuganda awangudde engule y’okukuba ejjiko e China.

Paul Terran Lugobe 21 omuyizi ku ttendekero erimu erisangibwa e Jinja asambira nnyuma nga jjanzi.

Ono wakati mu kuvuganya okw’amaanyi, yawangudde omudaali mu empaka za 48th World Skills ezaabadde e China.

Lugobe yabadde omu ku bavuganya 1400 abeetabye mu empaka zino okuva mu mawanga ag’enjawulo agakunukkiriza mu 70.

Mu bano era mwe mwabadde Bannauganda abalala okuli Elizabeth Mutoro, okuva e Arua kwosa Flavia Nakkayi ow’e Kabale.

Okuwangula empaka zino kigambibwa yayolesezza omutindo ogutali gwa bulijo ogwasannyalaza ne banne be yabadde avuganya nabo.

Bannayuganda ekintu ky’okufumba bakikwasizza maanyi era bangi bazze bafuna obuwanguzi n’obuganzi mu nsi yonna olw’emirimu gyabwe egy’okukuba ejjiiko.

Okugeza nga Jonathan Walinda naye yawangula awaadi mu empaka za Pan African Chef Awards ezaali e Ghana omwaka oguwede. Abalala kuliko Dorcus Mirembe (Mama D), Sheilah Ahabwe n’abalala.