Mayinja kati omuziki agukuba yekka?
Omuyimbi Ronald Mayinja akyalimu endasi. Akuba ekivvulu omuntu omu n’aleka abadigize nga beenuguuna.
Mayinja kati omuziki agukuba yekka?
By Emmanuel SSebanenya
Journalists @New Vision
Bya Emmanuel Ssebanenya
Omuyimbi Ronald Mayinja akyalimu endasi. Akuba ekivvulu omuntu omu n’aleka abadigize nga beenuguuna.
Ennaku zino ali mu kwetooloola ggwanga ng’akuba omuziki nga yeebaza abantu okumuwagira.
Mayinja yategezeezza nti kino kyalabyeko akkirizza nti abantu bakyamulinamu essuubi n’okumwagala era taliddamu kufuna bikemo bimuggya ku ndongo.
Mu bivvulu bino akuba ennyimba ze enkadde n’empya: Atandikira ku Necklace, Claire, Doreen, Londa nze, Abalina ssente, Nja kulondoola, Africa, Tuli ku bunkenke, Batiitiizi n’endala nnyingi n’agattako empya nga ‘Essimu ya Angel, Yogera nange ne Booda ku booda’’.
Gye buvuddeko yasazeeko abantu b’e Bulenga ku PTC ewa Mitanda n’abakuba omuziki ne banyumira ng’eno bwe bamufuuwa ssente era waliwo abaawuliddwa nga bagamba nti kale laba omuyimbi waffe atuwa essanyu engeri gye yali yeeyingizza mu byobufuzi.
Okutuuka e Bulenga yasookera mu byalo nga e Ibanda, Ssembabule, Mbarara, Busega, Makindye n’ebifo ebirala. Ku Paasika agenda kubeera ku Finland e Kawuku ne Golden Band yonna wamu ne Chris Evans olwo Easter Monday babeera ku Palm Park Kanaaba e Ndejje.