Embuzi ecankalanyizza aba pulogulaamu Akayisanyo ku Bukedde TV1!
Pulogulaamu eno ebaawo okuva ku ssaawa 11:30 ez’akawungeezi okutuuka ku ssaawa 1.00 okuva Mmande okutuuka Olwokutaano era mubaamu akanyomero ka kacaayi.
Embuzi ecankalanyizza aba pulogulaamu Akayisanyo ku Bukedde TV1!
By Patrick Kibirango
Journalists @New Vision
ABAWEEREZA ba pulogulaamu Akayisanyo ku Bukedde TV1, baakyekoze. Pulogulaamu eno ebaawo okuva ku ssaawa 11:30 ez’akawungeezi okutuuka ku ssaawa 1.00 okuva Mmande okutuuka Olwokutaano era mubaamu akanyomero ka kacaayi.
Muno, Hajji Zachariah Lubega amanyiddwa nga Hajji KZ owa Kz Lusania Restaurant ku Buganda Road, mwe yabayiiridde olusaniya lw’embuzi lulamba ne basaaliza abalabi ne bakatagga.
Aba Akayisanyo Ne Lydia Jazmine (mu Biddugavu Wakati) Nga Buli Omu Asikako Ky’asobola Ku Mbuzi
Ku pulogulaamu, baabaddeko n’omugenyi w’olunaku ng’ono yabadde omuyimbi Lydia Jazmine naye eyawoomeddwa amasala. Hajji Kz yagambye nti Bukedde Tv emukolera naddala pulogulaamu Akayisanyo era kwe kubeebaza ng’abawaamu ekijjulo.
Pulogulaamu Akayisanyo eweerezebwa Bruno Betty, Jomie Nankya, Tica Tica Kawuki ne Dj Shiru. Ku lwa banne, Tica Tica yasiimye Hajji KZ olw’okubagabula ekijjulo ekiwoomu.