Ekyabadde mu bbinu lya kadodi k’Abamasaba ku Ssande mu bifaananyi 10

Abamasaba beekesezza amazina mu kye baayise Kadodi Carnival akaabaddewo mu kibangirizi kya bannamakolero ku Ssande. 

Kyokka Bannange!

Omanyi banno baafunayo olunaku buli mwaka okujaguza obuwangwa bwabwe era bwe kyabadde ne ku Ssande nga abagenzeeyo bakira bazinira ku kadodi nga bwe beetooloola ekibangirizi eno nga bwe banywa omwenge n’ebyokunywa ebirala mu ndeku zaabwe wamma gwe ne basamaaliriza abaabadde babalengerera mu katimba k’ekibangirizi. 

Kano Kaavudde Mu Kadodi Ne Kadda Ku Munyigo!

Newankubadde nga baabadde baleese ebidongo, ekiseera ekyasinze akadodi ke kaakubiddwa okuviira ddala ku ssaawa 8:00 ez’olw’eggulo okutuusa 5:00 ez’ekiro nga ne bwe baabadde badda ku bidongo era nga bakubawo kadodi wamma gwe n’owulira vvayibu mu bantu abaabaddeyo. 

Bano Baanyumiddwa Nnyo Ne Basalawo Kwekubya Selfie.

Bakira buli muntu atuuka ng’afunirawo endeku olwo ng’alumba ekibinja ky’awulira nti kye kisinga okubamu vayibu anti abakuba akadodi babadde ba mirundi esatu. 

Eno abamu balabiddwa nga bambadde nga bwe bagenda okusala embalu ate abalala olwabadde okutuuka ne bagenderawo ku nsuwa z’amalwa nga okuseguka nga baddayo waabwe. 

Ku Ddansi Ono Gwe Yatemye Tetukiwa Nti Oba Yazzeeyo N'awaka!

Kyeyongedde okunyuma obudde bwe bwagenze buziba olw’abayimbi abaabacamudde nga bakuba ennyimba z’olugisu nga ku bano kwabaddeko Iddi Masaba, Peter Rimes, Susan Aste 95 n’abalala. Ekivvulu kino kyawagiddwa TV East etwalibwa Vision Group. 

Iddi Masaba Ng'ayimbira Abantu Mu Kadodi Carnival.

Omuzinyi Ng'abiibya Ne Mwana Muwala Mu Kadodi.

Abamasaba Nga Bazinira Ku Kadodi.

Ka Ndabeko Nange Ku Kifaananyi Ekyo Ono Bwe Yalabise Ng'agamba Munne.

Aba Miss Curvy Baabaddewo Nnyo.

Omu Ku Bazinyi Ng'asituddwa Mu Bbanga Ng'anyumirwa Wamu Ne Banne.