Kasalabecca
Bamaseeka balabudde MC Mariach okukomya okuzannya katemba avvoola Obusiraamu
ABASIRAAMU bawadde munnakatemba MC Mariach okulabula okusembayo ku by’okwogera ebigambo ebivvoola eddiini yaabwe ng'akola katemba we.
Bamaseeka balabudde MC Mariach okukomya okuzannya katemba avvoola Obusiraamu
By: Ignatius Kamya, Journalists @New Vision
Gye buvuddeko Mariach bwe yabadde ku Comedy Store ng’azannya katemba, aliko ebigambo bye yayogedde ku ddiini y’Obusiramu nga bangi tebyabasanyusizza kubanga bagamba nti ssi gwe mulundi ogusoose okuvvoola eddiini yaabwe.
Abamu ku bakulembeze mu ddiini y’Obusiramu okuli; Sheikh Kasim Ramathan, Sheikh Zubadu Ssali, Ali Mawale ow'e South Africa n’abalala bavuddeyo ne batabukira Mariach nga kino kyamuwalirizza okugenda ku mukutu gwe ogwa ‘tiktok’ n'asaba abantu abaayisiddwa obubi olw’ebyo bye yayogedde okumusonyiwa kuba teyakigenderedde.
Baategezeezza nti bakooye embeera Mariach gy'ateekawo ey’okutyoboola ekitiibwa ky’eddiini yaabwe kyokka bw'amala ne yeetonda ne bwera nti tejja kuba maanya ya nkoko nga bo batunula butunuzi.