Ab'e Jandira bayingidde eggandaalo lya Ssekukkulu mu sitayiro
ABANTU b’e Jandira beeyiye mu bungi ewa munnakatemba Jean Nakacwa bwe yabadde aggulawo ekifo kye ekisanyukirwamu
Ab'e Jandira bayingidde eggandaalo lya Ssekukkulu mu sitayiro
By Lawrence Mukasa
Journalists @New Vision
ABANTU b’e Jandira beeyiye mu bungi ewa munnakatemba Jean Nakacwa bwe yabadde aggulawo ekifo kye ekisanyukirwamu kye yatuumye Neibaz Spot.
Kigendereddwamu kusembereza abantu b’omu kitundu kino empeereza y’okubawummuza ebirowoozo n’okubawonya okutindigga eng’endo nga banoonya gye bakyakalira.
Ssemakula ng'ayimbira abantu.
Nakacwa agamba nti kuva buto yalina ekirooto ky’okuzannya,bwe yamala okukifuna n’ayagala okuteekawo ekifo bannakatemba we basobola okuzannyira n’okutumbula ebitone byabwe era nga wano bakayimbira we bagenda okutandikira okuzanyira emizanyo gyabwe. Nakacwa ng'asanyukira mu bantu be yayise.
Ono okutuukiriza ebiruubirirwa bye abantu b’omukitundu kino yabaleetede abayimbi ab’enjawulo nga aggulawo ekifo okwabadde Messach Ssemakula, Moureen Nantume, Aidah Mugo, Rodney Y Kabako ne bakayimbira dramactors.
Baasanyusizza abantu ne batuuka n’okusituka mu butebe nga bwe babiibya ku galiba enjole n’okuwanika obutebe mu bbanga nga babawagira.
Abantu baasanyuse ne bawanika obutebe.
Abakayimbira dramactors abaakulembeddwa Andrew Benon Kibuuka, Ssenkubuge Siyasa, Bruno Betty akola pulogulaamu ya akayisanyo ku Bukedde TV be baasooseewo ku ssaawa 1:00 ey’akawungeezi.
Nantume ng'ayogera.
Ku ssaawa 4:00 ez’ekiro, Moureen Nantume yayingiddewo n’awerekerwa Aidah Mugo, Messach Ssemakula ne Kabako. Ono obwedda bakira ayimba nga bw’alinnya mu butebe bw’abawagizi be.