Abayizi ba yunivasite balaze Adekunle omukwano

Bya Ignatius Kamya 

Abayizi ku Yunivasite ya IUEA balaze Omunigeria Adekunle Gold omukwano bw’abadde akyaddeko ku yunivasite eno. 

Adekunle (wakati) Ng'ava Mu Mmotoka

Adekunle ng'atuuka ku IUEA. (Ebif. Bya Ignatius Kamya).

Adekunle yayingiddewo mu ggwanga ku Lwokutaano ku makya ate olweggulo n’agenda ku yunivasite eno okwogerako eri bannamawulire. Eno abayizi gye baamusaliddeko nga baagala asooke abawe omukisa yeekubye nabo ‘selfie’ ekyalabise nga tekimusanyusizza era yasoose kugaanira mu mmotoka anti nga bazibye ekkubo we yabadde alina okuyita.

Adekunle Ng'asimba Omuti Ogw'ekijjukizo.

Adekunle ng'asimba omuti ogw'ekijjukizo ku IUEA.

Ono oluvanyuma yafulumye n’ayingira okwogerako eri bannamawulire era eno abayizi gye baafunidde omukisa okumulabako. 

Yasabye Bannayuganda okwongera okuwagira omuziki gw’abayimbi baakuno kubanga y’engeri yokka gye basobola okubaamu ab’akabi era ne yeebaza omuyimbi Fik Fameica olw’okuyimba obulungi n’okulemerako. 

Adekunle oluvannyuma yasimbye omuti ogw’ekijjukizo ku yunivasite eno ng’akabonero ak’okukuuma obutonde bw’ensi. 

Joel Galla omu ku baaleese abalese omuyimbi ono yasabye Bannayuganda okubaayo nga Adekunle abakubira omuziki.