Abaana ba Triplets Ghetto Kids bagenze Buyindi kuzannya ffirimu

ABAANA aba Triplets Ghetto Kids, abamanyiddwa ennyo mu kuzina amazina bagenze, Buyindi kuzannya ffirimu.

Baayitiddwa ekibiina ekimu okwetaba mu ffirimu ya 45, egenda okuzannyibwa bakafulu b’okuzannya ffirimu mu nsi yonna.

Aba Ghetto Kids ku siteegi

E Buyindi, baabaanirizza mu bitiibwa bya bassereebu ebijjuvu era baategeezezza nti, we banaakomerawo, nabo bajja kutandika okufulumya ffirimu eyaabwe mu bitundutundu.

Nti eno ejja kuba ekwata ku bulamu bwabwe
n’ekibiina nga bwe kizze kyeyubula okutuuka okuyitibwa abantu abanene mu nsi yonna.