'Abaana' ba Afrigo bakakasizza abawagizi baabwe nti be bakabaka ba layivu bbandi mu Uganda!

Afrigo band bongedde okukakasa nti mu kukuba omuziki oguli layivu bali mmo bwe babadde mu kivvulu mwe bajagulizza okuweza emyaka 48 bukyanga bbandi etandikawo. 

Abamu Ku Badigize Abaabaddeyo Nga Bacamuse.

Omanyi bano ku Lwomukaaga olwakaggwa baabadde ku Sheraton mu kivvulu kyabwe kye baatuuma “Legends of Sound” ekyajjudde ne kibooga nga n’abamu baalabidde ku ntimbe ezaateereddwawo mu kifo.  

Afrigo band ku siteegi nga basabula abantu omuziki.

Mc w’olunaku luno, Abbey Mukiibi olwabadde okulangirira nti Afrigo band ejja ku siteegi ku ssaawa 2:20 ez’ekiro ne wabaawo okukuba ebiriroliro wakati mu nduulu empitirivu okuva mu badigize abaabade babeesunze obwedda. 

Yinvesita omuziki gwa Afrigo gwamusensedde n'atandika kunyumirwa!

Omulangira Wasajja Ng'anyumirwa Omuziki Gwa Afrigo.

Engeri gye  baabadde  bazannyisaamu amaloboozi n’enkuba y’ebivuga yabadde ya yamulembe nnyo.  Omu Congo Awilo Longomba naye yacamudde bulala abadigize olw’ennyimba ze enkadde.  

Awilo Longomba, Moses Matovu Ne Joanita Kawalya Nga Bayimba.

Abadigize abaabadde mu kivvulu kino okusinga baabadde abo abakuliridde mu myaka kyokka nga bangi ku bo baalabiddwako nga batema ddansi anti olwo ng’omuziki gubasensedde era nga n’omumyuka wa Sipiika, Thomas Tayebwa yabaddeyo nnyo. 

Omulangira wa Buganda, David Wasajja naye teyalutumidde mwana era yalabiddwaako ng’essanyu limubugaanye. Mesach Ssemakula, Ragga Dee, Eddy Yawe ne Jose Chameleone be bayimbi abalala bokka abakkiriziddwa okuyimba ku kivvulu kino. 

Awilo Longomba Ng'atema Dansi N'abazinyi be.

Thomas Tayebwa Ng'ali Ne Dr.bbosa. Ku kkono ye Ann Jjuuko, akulira stanbic Bank.