Oruteerane rwa NAM, Museveni abugaineho abajwekyerwa kuruga Azerbaijani
Omu rukiiko orubaire aha maka g’obwa Purezidenti, abajwekyerwa ba Azerbaijani bamanyiise Purezidenti ahi enteebekanisa z’oruteerane rw’amahanga agarikwegaitira omu kigombe ekya Non-Aligned Movement (NAM) orurikuza kubaho omu kwezi kw’okubanza omwaka ogurikwija zahika.
Purezidenti Yoweri Museveni abugaineho kandi yagiraho orukiiko n’abajwekyerwa kuruga omu eihanga erya Azerbaijan. Photos by PPU.
N’ebya Omushaki weitu
Purezidenti Yoweri Museveni abugaineho kandi yagiraho orukiiko n’abajwekyerwa kuruga omu eihanga erya Azerbaijan. Abajwekyerwa aba babaire beebembiirwe entumwa y’omutaano kandi omuhwezi wa minisita w’enshonga z’aheeru, Yalchin Rafiyev.
Omu rukiiko orubaire aha maka g’obwa Purezidenti, abajwekyerwa ba Azerbaijani bamanyiise Purezidenti ahi enteebekanisa z’oruteerane rw’amahanga agarikwegaitira omu kigombe ekya Non-Aligned Movement (NAM) orurikuza kubaho omu kwezi kw’okubanza omwaka ogurikwija zahika.
Purezidenti Yoweri Museveni arikuteeza ekishushani n’abajwekyerwa kuruga omu eihanga erya Azerbaijan.
Uganda neija kutaayaayisa oruteerane oru orw’omurundi gwa 19 orurikuza kutandika ebiro 15/012024 kuhisya ebiro 20/01/2024. Omu ruteerane oru, Purezidenti Museveni nateekateekwa kuba niho yatwarira obweebembezi bw’okukurira amahanga 120 agarikwegaitira omu kigombe ekya NAM kuruga ahari Purezidenti wa Azerbaijani, Ilham Aliyev.
Orukiiko orubaire aha maka g’obwa Purezidenti nyomwebazyo ebiro 18/01/2023, rwetabirwemu ambasada wa Uganda kandi omujwekyerwa omu kigombe ky’amahanga ageteraine, Adonia Ayebare n’abandi bakuru.
#WestUpdates