Gen. Muhoozi Kainerugaba kutaayaayira ekyanga ekya Teso

Gen. Muhoozi Kainerugaba kutaayaayira ekyanga ekya Teso

N’ebya Javier Silas Omagor

Murumuna wa Purezidenti Yoweri Museveni, Michael Kaguta Toyota ayebembeire tiimu ya MK Movement omu disiturikiti ya Bukedea nyomwabazyo omukweteekateekyera orutaayaayo rwa Gen. Muhoozi Kainerugaba omuri Teso.

Toyota abaire ashendekyereziibwe abashuganisa ba MK omuri Teso na Sebei, Minisita w’eihanga ow’eby’emizaano, Peter Ogwang, Omuny’ishengyero wa Tingye, Fadil Twalla n’abandi.

Aba babandize baabuganaho Sipiika w’eishengyero, Anita Among omu maka gye omuri Kamutur.

Gen. Muhoozi naija kubuganaho abahagizi be omuri Bukedea eriizooba ahari Kongunga SS.

Obu abaire nagambaho n’abany’eishengyero abaahikire ahamukoro gwe gw’okusiima nyomwabazyo, Sipiika Among ashabire abanyeishengyero kuhika ahamukoro gwa Muhoozi.

Ku araarugye omuri Bukedea, Gen. Muhoozi Kainerugaba naija kutaayaayira munisiparite ya Kumi na bwanyima aze Soroti ahi arikwija kugambaho n’abantu ahakishaayi ekya Soroti Sports Ground arikuhendera orutaayaayo rwe omukyanga ekya Teso.

#WestUpdates