Aba Mbarara batooraine abeembezi abasya Mbarara City Development Forum.

N’ebya Eli Akiza

MBARARA

Abeebembezi b’omu rurembo orwa Mbarara batooraine akakiiko akasya akarikujunanizibwa aha ntunguuka y’orurembo aka Mbarara City Development Forum.

Omu rugyendo rw’okwongyera aha ntunguuka orurembo rwa Mbarara, abeebembezi b’orurembo oru bakwataniise n’ab’ekitongore ky’entunguuka y’endembo n’amataka batooraine abeebembezi abasya ab’aha kakiiko akarikujunanizibwa aha ntunguuka y’orurembo rwa Mbarara

Akakiiko aka nikeija kuhweraho omu kureebuza entunguuka n’okuteekateekyera orurembo. Photo by Eli Akiza.

Martin Kananura, otwire ari Purezidenti w’akakiiko aka agarukire yaatoranwa nka Purezidenti kandi omuhwezi we ni Fred Kafooko. 

Akakiiko aka nikeija kuhweraho omu kureebuza entunguuka n’okuteekateekyera orurembo.

Ahabiro 06/05/2010, gavumenti kurabira omu kitongore ky’eby’entunguuka y’endembo batongoizeho obukiiko obu omu ndembo zoona okwetoroora eihanga n’ekigyendererwa ky’okutoorana abantu abarahwere omu kuhabura n’okuteekateekyera endembo.

Akakiiko aka nikamara emyaka 3 karikukora omwoga gwako.

Omu bandi abatoorainwe barimu; John Baptist Mujuni otoorainwe nk’omuhandiiki, Prof. Richard Akisimire nka Publicity Secretary, Tom Mukundane nka Mobiliser, Mary Katushabe nk’omubiiki, Abiina Kyobwengye kujwekyera eminyeeto kandi Luis Tibaijuka otoorainwe kujwekyera aba Special Needs. 

#WestUpdates