Purezidenti Museveni arabwire ahaky’okwiha omushoro aha barikuhangahanga.

N’ebya Beth Akatukunda

Purezidenti Yoweri Kaguta Museveni arabwire abakozi ba gavumenti ahakyokwiha omushoro ahabarikuhangahanga arikugira ngu abarakwatwe nibeija kujunaanwa nk’oku ekiragiro kirikugamba.

Okurugiirira ahari Purezidenti, tikine makuru kwiha omushoro aha barikuhangahanga kandi obwo Uganda etarikwiha omushoro aha bintu ebitarikurugamu bijuma birungi

Minisita w'ebya saayansi Dr. Monica Musenero arikurambuza Purezidenti Yoweri Museveni n'omukazi we ebi abahangahangi bakozire aha mukoro gw'okutongozaho National Science Week, 2023 ahari Kololo, Orwakana ebiro 09/11/2023. Photos by PPU.

Purezidenti Museveni agambire ebi abaire natongozaho wiiki y’ebya saayansi eya ‘National Science Week’ aha kishaayi kya Kololo, Purezidenti Museveni abaire ashendekyereziibwe omukazi we kandi minisita w’eby’obwegyese n’emizaano, Janet Kataaha Museveni.

National Science Week 2023 neheereza omugisha abahangahangi kworeka ebi Uganda ebaasize kuhikaho omu bya saayansi, tekinologiya n’okuhangahanga aha rurengo rw’eihanga n’omunsi yoona okutwariza hamwe.

Purezidenti Yoweri Museveni n'omukazi we Janet aha mukoro gw'okutongozaho National Science Week, 2023 aha kishaayi Kololo, Kampala Orwakana ebiro 09/11/2023. Photo by PPU.

Purezidenti Museveni nabwo ahamiize abanya saayansi okushagiki bwa gavumenti n’ekigyendererwa ky’okuteera omuhimbo abantu kwehangahangira ebintu ebyabo ebirahwere Uganda kutunguuka omu by’entaasya.

Aha rubaju orundi, Purezidenti Museveni asiimire abanyadiini ahabw’okuta amaani omu murimo gwa Ruhanga n’ebya saayansi arikugira ngu ahabw’okuba buri kimwe kyonka nikiruga aha bintu ebi 2.

Purezidenti Yoweri Museveni n'omukazi we Janet arikurambura ebi abanya saayansi n'abahangahangi babaasize kwekorera aha mukoro gw'okutongozaho National Science Week, 2023 aha kishaayi Kololo omuri Kampala ebiro 09/11/2023.

Purezidenti nabwo araganiise kushagika abanya saayansi arikubaheereza ‘scholarships’ arikubamanisa ngu bashemeriire kushoma ebintu ebi eihanga ririkwetenga ebirareetere gavumenti y’abashagika.

Nabwo ayakiire ba invesita abasya omu Uganda arikubahamiza ngu hariho embeera nungi y’okukoreramu kandi ngu akatare k’ebintu byabo karuho buriho.

Purezidenti Yoweri Museveni ashabire ba invesita okwija omu Uganda bakakoreramu bizinesi arikubahamiza omu embeera y'okukoreramu erigye omu eihanga.

Aha mukoro ogu, Minisita w’eby’esente, Matia Kasaija akyorekire ngu ekitongore ekya saayansi na tekinologiya nikyetenga embaririra yaakyo ey’omutaano kubaasa kutunguura eihanga eri omu by’entaasya birikwema ahari saayansi.

Minisita w’ebya saayansi na tekinologiya, Dr. Monica Musenero amanyiise Purezidenti ngu ekitongore kya saayansi, tekinologiya n’okuhangahanga ni kikuru munonga omu kutunguura eby’entaasya ya Uganda.

Minisita w'ebya saayansi, tekinologiya n'okuhangahanga, Dr. Monica Musenero aha mukoro gw'okutongozaho National Science Week, 2023 omu kishaayi Kololo, Kampala.

Omukoro ogu guhikirweho minisita w’enshonga za Kampala, Kabuye Kyofatogabye, ba invesita, abanya saayansi n’abandi baingi.

Bamwe aha bantu abahikire aha mukoro gw'okutongozaho National Science Week, 2023 omu kishaayi Kololo, Kampala Orwakana ebiro 09/11/2023.

#WestUpdates