Purezidenti Museveni ahaire emidaari abashuubuzi 6 ahabw'okutunguura eby'entaasya

N'ebya Omushaki Waitu

NTUNGAMO:

Purezidenti Yoweri Kaguta Museveni ahaire emidaari abashuubuzi 6 n’abamakorero ahabw’omurimo ogu bakozire omukutunguura eby’entaasya bya Uganda ahamukoro gwa Mustard Seed Awards 2025, ogukoreirwe aha Africa Coffee Park omu district ya Ntungamo nyomwabazyo.

Emidaari egi etebekanisibwe eikorero erya Inspire Africa Coffee, n’emwe ahabikozirwe omukujaguza emyaka 40 y’entunguuka hamwe n’orutaaayayo rwa President ahamwanya gw’eikorero ry’omwani eri.

Purezidenti Museveni ahaire emidaari abashuubuzi 6 ahabw'okutunguura eby'entaasya

Abahairwe emidaari batoorainwe ahabw’omurimo ogubakozire omukwongyero omutindo omumishuuburo, eby’amakorero n’okuhangaho emirimo.

Purezidenti Museveni abasiimire ahabw’okwengyera ahakatare k’emishuuburo erikuruga omu Uganda kurabira omukwongyera omutindo omumishuuburo agumize ngu entaasya kuruga omumishuuburo ya Uganda erikutwarwa aheeru erengire ahamishuuburo erikutaha omu eihanga.

Ogu ashabire abanya Uganda okwejumbira omuby’obushuubuzi nk’omuringo gw’okutaho obugaiga n’okwihamu esente.

Eikorero erya Inspire Africa Coffee Park omuri Ntungamo...(PPU Photo)

Muka mukuru w’eihanga, Maama Janet Kataaha Museveni obaire amushendekyereize asiimire Inspire Africa Coffee ahabw’okutaho emirimo n’okutunguura sector y’omwani.

Purojekiti egi nekorera ahanteekateeka y’okutunguura eihanga n’ekigyendererwa ky’okwongyera ahamutindo gw’omwani ogurikushohora omu eihanga bwaza kuba 2030.