Omuyimbi Laika n'Omutanzania Harmonize bali bulala

Emyezi esatu egiyise, emikutu gy’amawulire gibadde gijjudde amawulire agalaga  omuyimbi Laika n’omuyimbi Harmonize Omutanzania nga bwe bali mu mukwano ogw'ekimmemete.

Kyokka omwezi oguwedde Harmonize bwe yazze mu Uganda okuyimba, abaamawulire baamubuuzizza ku nkolagana ne Laika, n’addamu ng’agamba nti Laika tamumanyi. 

Wabula  mu yintavuyu emu, Laika yategeezezza nti Harmonize yajja mu kabookisi ke ku mukutu gwa Instagram mu 2020, ne bawayaamu ne bawaanyisiganya amasimu era okuva olwo enkolagana yaabwe etinta budinda!...

Laika bwe yakyaddeko mu Tanzania omwaka guno, ababiri bano baasisinkanye ne bamala  ebiseera nga bali bombi e Zanzibar ne Dar es Salaam. 

"Harmonize muntu wa kisa nnyo. Waddala. Alina omukisa. Ggaayi oyo alina omukisa ate nnyo... Era olw'empisa ze, agwanidde buli kimu ky'anaatera okutuukako. Harmonize mukwano gwange nnyo. Era mu kiseera kino, ekintu kyonna kisoboka," Laika bwe yatangaazizza.